၂၀၂၃ခုနှစ်ဧပြီ(၂၀)ရက်က စိုက်ပျိုးရေးမွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီးဒေါက် တာ အောင်ကြီး ဦးဆောင်သည့် အဖွဲ့သည် စိုက်ပျိုးရေးသုတေသနဦးစီးဌာန၏ခြံတစ်ခြံဖြစ်သည့် ဒေသသုတေသနဗဟိုဌာန (မကွေး) သို့ သွားရောက်၍ သုတေသနဆောင်ရွက်နေမှုအခြေအနေ များ အား ကွင်းဆင်းကြည့်ရှုစစ်ဆေးခဲ့ပါသည်။

ထိုသို့ကွင်းဆင်းကြည့်ရှုစစ်ဆေးခဲ့ရာ ဒေသသုတေသနဗဟိုဌာန(မကွေး)တာဝန်ခံမှ ဒေသသုတေသနဗဟိုဌာန ၏ ရည်ရွယ်ချက်များ အားလည်းကောင်း၊ အဓိကသုတေသနပြုဆောင် ရွက်နေသော မြေပဲ ၊နှမ်း ၊ပဲတီစိမ်း ၊ ပဲစင်းငုံ ၊ပီလောပီနံ ၊ နှံစားပြောင်း ၊ဆပ် ၊ဝါ စသည့် သီးနှံ များနှင့် စပ်လျဉ်း၍လည်းကောင်း၊ ၂၀၂၂-၂၀၂၃ခုနှစ်အတွင်း ဆောင်ရွက်ခဲ့သည့် သုတေသန၊ထုတ် လုပ်မှုနှင့် ဖွံ့ဖြိုးရေး လုပ်ငန်းများနှင့်စပ်လျဉ်း ၍ လည်းကောင်းရှင်းလင်းတင်ပြခဲ့ပါသည်။ အဆိုပါတင်ပြချက်များအပေါ် ဒုတိယဝန်ကြီး မှ လိုအပ် ချက်များအားဖြည့်စွက်ဆွေးနွေးပေးခဲ့ပြီး ဒေသသုတေသနဗဟိုဌာန(မကွေး)၏ ဓာတ်ခွဲခန်း အသုံးပြု ပြင်ဆင်ထားရှိမှုများအားလိုက်လံကြည့်ရှု၍ သုတေသီများအား နွေးထွေးစွာအားပေးလမ်းညွှန်မှုများ ပြုလုပ်ပေးခဲ့ပါကြောင်း သတင်းမှတ်တမ်းအဖြစ်ဖော်ပြအပ်ပါသည်။